. (function(html){html.className = html.className.replace(/\bno-js\b/,'js')})(document.documentElement); Largo stresin me teknologjinë – TranQuini

Largo stresin me teknologjinë

LARGO STRESIN ME TEKNOLOGJINË

Me siguri ndonjë anëtar i familjes tënde të ka kërkuar ndihmë për të përdorur pajisjet teknologjike. Duhet të ketë ndodhur të paktën një herë që gjyshi t’u ketë dërguar një foto të gishtit të tij të madh gjithë njerëzve që njeh apo profili i mamasë tënde në Facebook të ketë kaluar si me magji në kinezçe edhe pse ajo betohet se nuk e hap kurrë Facebook-un. Nuk është asgjë e re që babai jot të bëhet me nerva sa herë që klikon opsionin e minimizimit të faqes dhe nuk arrin ta gjejë më faqen ku ishte.

Teknologjia ka qënë burim stresi dhe ankthi për të gjithë gjeneratat, jo vetëm për prindërit tuaj- mjafton të provosh të bësh një telefonatë të rëndësishme në Skype ndërkohë që rrjeti nuk është shumë i mire për ta vërtetuar. Ndërkohë që krijimi i teknologjisë ka pasur si qëllim kryesor rritjen e efiçencës për të ta bërë jetën më të thjeshtë, shumë krijime teknologjike kanë pasur në fakt efektin e kundërt dhe thjesht kanë rritur shkallën e ankthit sa herë që nuk funksionojnë si duhet.

Për fat të mirë ekzistojnë disa aplikacione të dizenjuara vetëm për të të ndihmuar të largosh stresin, duke të ndihmuar të ndahesh nga rutina jote dhe të kalosh kohë me këto aplikacione, të largosh mendjen nga gjërat që të shqetësojnë dhe të relaksohesh. Ne kemi gjetur 5 aplikacionet më të mira, që bashkë me një kanaçe Tranquini do të ndihmojnë të largosh stresin dhe të përdorësh teknologjine në favorin tënd. 

Headspace

Me mbi 8.5 milionë përdorues aktiv, përfshirë këtu njerëz të famshëm si Emma Watson dhe Richard Branson, Headspace konsiderohet si një nga aplikacionet më të përdoruara dhe më efektive në largimin e stresit. I krijuar për të rritur përqëndrimin dhe për të ulur stresin, ky apliakacion mund të përshkruhet si një udhëzues i thjeshtë meditimi. 10 deri në 15 minuta në ditë meditim është gjithçka të duhet për të gjetur balancën brenda vetes dhe për të larguar stresin.

Breathe2Relax

Breathe2relax të mëson nëpërmjet disa video-ve si të përdorësh frymëmarrjen për të larguar stresin. Frymarrja diafragmatike, si për shembull meditimi, është provuar se redukton ankthin dhe stresin duke rritur kështu qetësinë. Të ndihmon gjithashtu edhe të stabilizosh humorin, të kontrollosh inatin dhe të menaxhosh ankthin.

White Noise

Është zhurma ajo që të streson apo që të mban zgjuar? White noise është dizenjuar për të bllokuar këto shpërqendrime duke rritur qetësinë dhe përqendrimin nëpërmjet disa pjesëve muzikore të përzgjedhura me kujdes si për shembull zhurma e shiut që troket lehtas tokën apo e valëve tek godasin bregun. Përdore në zyrë apo gjatë natës për ta rrethuar veten nga një ambjent me më pak zhurmë ku ti mund të punosh apo flesh në qetësi.

Pause

Një aplikacion i provuar shkencërisht, i njohur edhe si “relaksi në majë të gishtave të tu”, Pause është si të vësh në punë një llambë llave në telefonin tënd. Bazuar në parimet antike Tai Chi, përdoruesi ndjek me gisht në ekran lënizjet e një flluske llave. Aplikacioni nxit pushimin, duke të ndihmuar të rifitosh përqendimin dhe të çlirosh stresin brenda disa minutave.

Sleep Cycle

Rëndësia e një gjumi të mirë gjatë natës në uljen e stresit dhe përmirësimin e performancës gjatë ditës është e njohur prej shume kohësh dhe e provuar shkencërisht. Sleep Cycle monitoron cilësinë e gjumit duke përdorur mikrofonin dhe lexuesin e lëvizjeve të telefonit tënd dhe përdor grafikët për të treguar kohën kur re të flesh, kur je zgjuar dhe cilësinë e gjumit për çdo natë. Këtë informacion mund ta përdorësh për të bërë rregullime në regjimin tënd ditor dhe të sigurohesh që po fle mjaftueshëm.

Pra, nëse je I gatshëm të harxhosh më shumë kohë në kompjuter apo në telefon, përdore këtë kohë me zgjuarsi për të larguar stresin me një nga aplikacionet më lart apo më mirë akoma vendose telefonin në xhep, merr një Tranquini dhe dil të ecësh për t’u relaksuar në mënyrë aktive. 

You may also like...